നികുതി വര്‍ദ്ധനവ് യു.ഡി.എഫ് കൗണ്‍സിലര്‍മാര്‍ മാനന്തവാടി നഗരസഭ പടിക്കല്‍ ധര്‍ണ്ണയും, പ്രതിഷേധ പ്രകടനവും നടത്തി.നികുതി വര്‍ദ്ധനവ് പിന്‍വലിച്ചില്ലെങ്കില്‍ അനിശ്ചിതകാല സമരത്തിന് മുതിരുമെന്നും കൗണ്‍സിലര്‍മാര്‍.
കെട്ടിട നികുതി മുന്‍കാല പ്രാബല്യത്തോടു കൂടി ഒഴിവാക്കുക, ഓഡിറ്റ് റിപ്പോര്‍ട്ടില്‍ പറഞ്ഞിരിക്കുന്ന നികുതികള്‍ പിരിചെടുക്കുക, ബസ്സ്റ്റാന്റ് കോബ്ലക്‌സിലെ റൂമുകള്‍ ഉടന്‍ ലേലം ചെയ്യുക,600 സ്‌കെയര്‍ഫീറ്റില്‍ താഴെയുള്ള വീടുകളുടെ നികുതി പൂര്‍ണ്ണമായും ഒഴിവാക്കുക, മത്സ്യ മാംസ മാര്‍ക്കറ്റ് ഉടന്‍ ലേലം ചെയ്യുക എന്നീ ആവശ്യങ്ങള്‍ ഉന്നയിച്ചും, മാനന്തവാടി നഗരസഭയുടെ ജനദ്രോഹ ഭരണത്തിനുമെതിരെയാണ് മാനന്തവാടി നഗരസഭയിലെ യു.ഡി.എഫ് കൗണ്‍സിലര്‍മാര്‍ നഗരസഭ പടിക്കല്‍ ധര്‍ണ്ണയും, പ്രതിഷേധ പ്രകടനവും നടത്തിയത്. യു.ഡി.എഫ് പാര്‍ലിമെന്ററി പാര്‍ട്ടി ധര്‍ണ്ണ നേതാവ് ജേക്കബ് സെബാസ്റ്റ്യന്‍ ഉദ്ഘാടനം ചെയ്യ്തു.പി.വി. ജോര്‍ജ് അദ്ധ്യക്ഷനായിരുന്നു. എം.ജി.ബിജു, പി.വി.എസ്.മൂസ, കടവത്ത് മുഹമ്മദ്, മുജീബ് കോടിയോടന്‍, അഡ്വ.പടയന്‍ റഷീദ്, അരുണ്‍കുമാര്‍ ബി.ഡി, ഷീജ ഫ്രാന്‍സീസ്, സ്വപ്ന ബിജു, തുടങ്ങിയവര്‍ സംസാരിച്ചു.
