കായിക മേഖലയ്ക്ക് കൂടുതല് പ്രാധാന്യം നല്കുമെന്ന്: മന്ത്രി എ.സി.മൊയ്തീന്
ജില്ലയില് കായിക മേഖലയ്ക്ക് കൂടുതല് പ്രാധാന്യം നല്കുന്നുണ്ടെന്ന് തദ്ദേശ സ്വയംഭരണ വകുപ്പ് മന്ത്രി എ.സി.മൊയ്തീന് പറഞ്ഞു.കമ്പളക്കാട് ഗവണ്മെന്റ് യു.പി.സ്കൂളില് ജില്ലാ കേരളോത്സവത്തിന്റെ ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം. എല്ലാ പഞ്ചായത്തിലും ഒരു കളിസ്ഥലം എന്നതാണ് സര്ക്കാര് ലക്ഷ്യമിടുന്നത്. അതിന് തദ്ദേശ സ്വയംഭരണ സ്ഥാപനങ്ങള് മുന്നിട്ടിറങ്ങണം. കമ്പളക്കാട് ടൗണില് കേരളോത്സവത്തിന്റെ വരവ് അറിയിച്ച് കൊണ്ട് വിളംബര ജാഥയും നടത്തി. ചടങ്ങില് ജില്ലാ പഞ്ചായത്ത് പ്രസിഡന്റ് കെ.ബി.നസീമ അധ്യക്ഷയായിരുന്നു. സി.കെ.ശശീന്ദ്രന് എം.എല്.എ മുഖ്യ പ്രഭാഷണം നടത്തി. പ്രശസ്ത സിനി ആര്ട്ടിസ്റ്റ് വിനോദ് കോവൂര് മുഖ്യാതിഥിയായിരുന്നു. ജില്ലാ പഞ്ചായത്ത് വൈസ് പ്രസിഡന്റ് എ.പ്രഭാകരന്, പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്.ദിലീപ് കുമാര്, കല്പ്പറ്റ ബ്ലോക്ക് പഞ്ചായത്ത് പ്രസിഡന്റ് ഉഷാ തമ്പി, കണിയാമ്പറ്റ ഗ്രാമ പഞ്ചായത്ത് ആക്ടിംഗ് പ്രസിഡന്റ് റൈഹാനത്ത് ബഷീര്, ജില്ലാ പഞ്ചായത്ത് ഡിവിഷന് മെമ്പര് പി.ഇസ്മയില്, ബിജു കണ്ടക്കൈ തുടങ്ങിയവര് സംസാരിച്ചു.