സ്‌കൂള്‍ വിദ്യാര്‍ത്ഥിനി പാമ്പു കടിയേറ്റ് മരിച്ച സംഭവത്തില്‍ കുറ്റക്കാര്‍ക്കെതിരെ കര്‍ശന നടപടി എടുക്കണമെന്ന് ഇന്ത്യന്‍ യൂണിയന്‍ മുസ്ലീം ലീഗ് വനിതാ ദേശീയ സംഘടനാ ഭാരവാഹികള്‍ വാര്‍ത്താ സമ്മേളനത്തില്‍ ആവശ്യപ്പെട്ടു. സ്‌കൂള്‍ അധികൃതരും ,ആശുപത്രി അധികൃതരും ,സ്‌കൂളിന് ഫിറ്റ്‌നസ് സര്‍ട്ടിഫിക്കറ്റ് കൊടുത്ത മുനിസിപ്പാലിറ്റിയും കുറ്റക്കാരാണെന്നും ഭാരവാഹികള്‍ കുറ്റപ്പെടുത്തി. ഇത്രയും വലിയ പ്രശ്‌നം നടന്നിട്ടും എന്തുകൊണ്ട് ആരോഗ്യ മന്ത്രി ഇതുവരെ വയനാട് സന്ദര്‍ശിച്ചില്ല എന്ന് ഭാരവാഹികള്‍ ചോദിച്ചു.ദേശീയ ജനറല്‍ സെക്രട്ടറി അഡ്വ. നൂര്‍ബിന റഷീദ് ,ദേശീയ സെക്രട്ടറി ജയന്തി രാജന്‍ ,സംസ്ഥാന വൈസ് പ്രസിഡന്റ് റസീന അബ്ദുള്‍ ഖാദര്‍ ,വയനാട് ജില്ലാ പ്രസിഡന്റ് ബഷീറ അബൂബക്കര്‍ തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
