ജില്ലയിലെ ഏറ്റവും വലിയ ഡിപ്പോയായ ബത്തേരിയിലാണ് ജനറേറ്റര്‍ തകരാറിലായതിനെ തുടര്‍ന്ന് കെ എസ് ആര്‍ ടി സിയുടെ പ്രവര്‍ത്തനം താളം തെറ്റിയിരിക്കുന്നത്. നാലുവര്‍ഷം മുമ്പ് നാലു ലക്ഷത്തോളം രൂപ മുടക്കി വാങ്ങിയ ജനറേറ്റര്‍ തകരാറായതാണ് ഡിപ്പോയുടെ പ്രവര്‍ത്തനത്തെ സാരമായി ബാധിക്കുന്നത്. ഇപ്പോള്‍ വൈദ്യുതി നിലക്കുന്നതോടെ ഡിപ്പോയിലെ മെക്കാനിക്കല്‍, ഓഫീസ്, പമ്പ് എന്നിവയുടെ പ്രവര്‍ത്തനം നിലക്കുകയാണ്. രാത്രിയാണെങ്കില്‍ ഡിപ്പോയിലെ യാര്‍ഡും പരിസരവും ഇരുട്ടിലുമാണ്. നിസാര തുക മുടക്കിയാല്‍ ജനറേറ്റര്‍ നന്നാക്കാമെന്നിരിക്കെയാണ് അധികൃതരുടെ അനാസ്ഥകാരണം ഡിപ്പോയുടെ പ്രവര്‍ത്തനം തന്നെ താളം തെറ്റിച്ചിരിക്കുന്നത്.
