എന്‍എച്ച് 766ലെ യാത്രാപ്രശ്‌നം കര്‍ഷക മുന്നണിയുടെ നേതൃത്വത്തില്‍ ഈ മാസം 30ന് കര്‍ണാടക അതിര്‍ത്തിയിലേക്ക് ലോങ്ങ് മാര്‍ച്ച് നടത്തും. ദേശീയപാതയില്‍ ഗതാഗത നിരോധനം ഏര്‍പ്പെടുത്താനുള്ള നീക്കത്തില്‍ പ്രതിഷേധിച്ചാണ് കര്‍ഷകരുടെ ലോങ് മാര്‍ച്ച്. 30ന് രാവിലെ 9 മണിക്ക് ബത്തേരിയില്‍ യുവജന നേതാക്കള്‍ നിരാഹാരമിരിക്കുന്ന സമര പന്തലില്‍ നിന്നും മാര്‍ച്ച് ആരംഭിക്കും. മാര്‍ച്ചില്‍ കാര്‍ഷിക പുരോഗമന സമിതി, എഫ്. ആര്‍. എഫ്, ഹരിതസേന, ശ്രേയസ്, വയനാട് സര്‍വീസ് സൊസൈറ്റി, എസ്. എന്‍. ഡി. പി, ചെറുകിട വ്യവസായ അസോസിയേഷന്‍, ഏക്ത പരിഷത് തുടങ്ങി 25 ഓളം സംഘടനാ പ്രവര്‍ത്തകര്‍ പങ്കെടുക്കും. ദേശീയപാതയില്‍ ഗതാഗത നിരോധനം ഉണ്ടായാല്‍ അത് ഏറ്റവും കൂടുതല്‍ ബാധിക്കുക ജില്ലയിലെ കര്‍ഷകരെയാണ്. ഈ സാഹചര്യത്തിലാണ് ഇത്തരമൊരു മാര്‍ച്ചിന് കേരള കര്‍ഷക മുന്നണി കൂട്ടായ്മ രൂപം കൊടുത്തിരിക്കുന്നത്. മാര്‍ച്ചില്‍ മഹാരാഷ്ട്ര ബീഹാര്‍ എന്നിവിടങ്ങളിലെ കര്‍ഷക നേതാക്കളും പങ്കെടുക്കുമെന്നും കര്‍ഷക നേതാക്കള്‍ പറഞ്ഞു
