ദേശീയപാത 766 വിഷയത്തില്‍ കേന്ദ്ര സംസ്ഥാന സര്‍ക്കാറുകള്‍ സത്വര നടപടികള്‍ എടുക്കണമെന്നാവശ്യപ്പെട്ട് മുസ്ലിംലീഗ് ബത്തേരി നിയോജകമണ്ഡലം കമ്മറ്റി നേതൃത്വത്തില്‍ ഈ മാസം 28ന് ബത്തേരി മിനി സിവില്‍ സ്റ്റേഷനിലേക്ക് ബഹുജന മാര്‍ച്ച് നടത്തുമെന്ന് ഭാരവാഹികള്‍ ബത്തേരിയില്‍ വാര്‍ത്താസമ്മേളനത്തില്‍ അറിയിച്ചു. സുപ്രീംകോടതി നിയോഗിച്ച വിദഗ്ധ സമിതിക്കു മുമ്പാകെ കുട്ട ഗോണികുപ്പ റോഡ് ബദല്‍പാതയായയി അംഗീകരിച്ച സംസ്ഥാന സര്‍ക്കാര്‍ ഉദ്യോഗസ്ഥരുടെ നിലാപട് പിന്‍വലിച്ച് റോഡ് പൂര്‍ണ്ണമായും തുറന്നുകിട്ടുന്നതിന് പുതിയ സത്യവാങ്മൂലം നല്‍കണമെന്നും ലീഗ് ആവശ്യപ്പെട്ടു.
