മുത്തങ്ങ എക്‌സൈസ് ചെക്ക്‌പോസ്റ്റില്‍ വാഹനപരിശോധനക്കിടെ രേഖകള്‍ ഇല്ലാതെ കടത്തിക്കൊണ്ടുവന്ന 11,13, 500 രൂപ പിടികൂടി.ബാംഗ്ലൂര്‍ – കോഴിക്കോട് കെഎസ്ആര്‍ടിസി ബസ് യാത്രക്കാരന്‍ കര്‍ണ്ണാടക അറക്കല്‍ഗോഡ് സ്വദേശി ഇല്യാസ് പാഷയുടെ ബാഗില്‍ നിന്നാണ് പണം പിടിച്ചെടുത്തത്. പ്രതിയേയും പിടിച്ചെടുത്ത നോട്ടും കല്‍പ്പറ്റ ഇന്‍കംടാക്‌സ് അധികാരികള്‍ക്ക് കൈമാറി. എക്‌സൈസ് സര്‍ക്കിള്‍ ഇന്‍സ്പെക്ടര്‍ മജു റ്റി. എംന്റെ നേതൃത്വത്തില്‍ നടന്ന പരിശോധനയില്‍ എക്‌സൈസ് ഇന്‍സ്പെക്ടര്‍മാരായ ജിജി ഐപ്പ് മാത്യു, എസ്. ബൈജു, പ്രിവന്റീവ് ഓഫീസര്‍മാരായ, കെ. വി. ഷാജി, കെ. ജി. ശശികുമാര്‍, സിവില്‍ എക്‌സൈസ് ഓഫീസര്‍ മാരായ പി. വി. രജിത്ത്, ജോഷി തുമ്പാനം എന്നിവര്‍ പങ്കെടുത്തു.
