സംസ്ഥാനത്ത് ഉരുള്‍പൊട്ടലുകള്‍ക്ക് ഇരയായവരില്‍ അധികവും തോട്ടം തൊഴിലാളികളാണ്. പുത്തുമലയില്‍ ദുരന്തത്തിനിരയായവരില്‍ എല്ലാവരും തോട്ടം തൊഴിലാളികളാണ്. അതിനാല്‍ തന്നെ തോട്ടം തൊഴിലാളികളുടെ പുനരധിവാസവും അവരുടെ സുരക്ഷിതത്വവും ഉറപ്പാക്കേണ്ടത് പൊതുസമൂഹത്തിന്റെ ഉത്തരവാദിത്തമാണെന്ന് മുന്‍ മന്ത്രി കെ.പി രാജേന്ദ്രന്‍ പറഞ്ഞു. പുത്തുമലയില്‍ സന്ദര്‍ശനം നടത്തിയ ശേഷംവയനാട് വിഷനോട് സംസാരിക്കുകയായിരുന്നു അദ്ദേഹം.ജീവിതത്തില്‍ കാര്യമായി ഒന്നും സമ്പാദിക്കാന്‍ കഴിയാത്തവരാണ് തോട്ടം തൊഴിലാളികള്‍. അതിനാല്‍ തന്നെ തോട്ടം തൊഴിലാളികളുടെ സംരക്ഷണം സമൂഹത്തിന്റെ ഉത്തരവാദിത്വമായിരിക്കണമെന്നും കെ.പി രാജേന്ദ്രന്‍ പറഞ്ഞു. എ ഐ ടി യു സി ജില്ലാ ജില്ലാ സെക്രട്ടറി പി.കെ മൂര്‍ത്തി, സി. സഹദേവന്‍, മഹിത മൂര്‍ത്തി സ്റ്റാന്‍ലിന്‍,എന്നിവരും ഒപ്പമുണ്ടായിരുന്നു.
