നൂല്‍പ്പുഴയിലെ വനാന്തര ഗ്രാമമായ ചെട്ട്യാലത്തൂര്‍ ക്യാമ്പില്‍ ആശ്വാസമായി ബത്തേരി ടൗണ്‍ ലയണ്‍സ് ക്ലബ്ബ് പ്രവര്‍ത്തകര്‍. ഇവിടെ കഴിയുന്ന 20 കുടുംബങ്ങള്‍ക്ക് ആവശ്യമായ ഭക്ഷ്യവസ്തുക്കളും വസ്ത്രങ്ങളും വിതരണം ചെയ്തതിനൊപ്പം മെഡിക്കല്‍ ക്യാമ്പും നടത്തിയാണ് പ്രവര്‍ത്തകര്‍ മടങ്ങിയത്. ആര്‍ക്കും എളുപ്പം എത്തിപ്പെടാന്‍ പറ്റാത്ത നൂല്‍പ്പുഴയിലെ ചെട്യാലത്തൂര്‍ ഗ്രാമത്തിലാണ് ബത്തേരി ടൗണ്‍ ലയണ്‍ക്ലബ്ബ് പ്രവര്‍ത്തകര്‍ എത്തി ദുരിതാശ്വാസ പ്രവര്‍ത്തനം നടത്തിയത്. ഇവിടെ ക്യാമ്പില്‍ കഴിയുന്ന 20 കുടുംബങ്ങളിലെ 67 പേര്‍ക്കാവശ്യമായ ഭക്ഷ്യ വസ്തുക്കളും, വസ്ത്രങ്ങളും മറ്റ് നിത്യോപയോഗ സാധനങ്ങളുമാണ് പ്രവര്‍ത്തകര്‍ എത്തിച്ച് നല്‍കിയത്. ഇതിനു പുറമെ ഡോ. ജിതേന്ദ്രനാഥ്, ഡോ. ദാഹര്‍മുഹമ്മദ് എന്നിവരുടെ നേതൃത്വത്തില്‍ മെഡിക്കല്‍ ക്യമ്പും നടത്തി. ദുരിതാശ്വാസ പ്രവര്‍ത്തനങ്ങളുടെ ഉദ്ഘാടനം ലയണ്‍സ് ഗവര്‍ണര്‍ യോഹന്നാന്‍ മറ്റത്തില്‍ നിര്‍വ്വഹിച്ചു. ടൗണ്‍ ക്ലബ്ബ് പ്രസിഡണ്ട് ബിജു അധ്യക്ഷനായിരുന്നു. അഡീഷ്ണല്‍ ക്യാബിനറ്റ് സെക്രട്ടറി അഡ്വ. പി. എന്‍ സുരേന്ദ്രന്‍, പ്രോഗ്രാം ഡയറക്ടര്‍ മനോജ് തുടങ്ങിയവര്‍ ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്വം നല്‍കി.
