മുത്തങ്ങ ആന പന്തിയില്‍ ആറളത്ത് നിന്നുമെത്തിച്ച ശിവ എന്ന കൊമ്പനാണ് ചെരിഞ്ഞത്. കാലിന് ബാധിച്ച രോഗത്തെ തുടര്‍ന്ന് ചികിത്സയിലായിരുന്നു.ഒന്നര മാസം മുമ്പ് കൊമ്പന്റെ ഇടതു കാലിന് നീര് വരുകയും ചികിത്സ നല്‍കിയെങ്കിലും നീര് കാലില്‍ മൊത്തം വ്യാപിക്കുകയുമായിരുന്നു. ഇതേ തുടര്‍ന്ന് കാലിലേക്കുള്ള രക്തയോട്ടം നിലച്ച് പഴുപ്പ് ബാധിക്കുകയും ചെയ്തു.തുടര്‍ന്ന് ഇന്ന് രാവിലെ കൂട്ടില്‍ വീണ ആന ഉച്ചയ്ക്ക് 12.15 ഓടെ ചെരിയുകയായിരുന്നെന്ന് ആനയുടെ ചികിത്സയ്ക്ക് നേതൃത്വം നല്‍കിയ ഫോറസ്റ്റ് വെറ്ററിനറി സര്‍ജന്‍ ഡോ. അരുണ്‍ സക്കറിയ പറഞ്ഞു. 25 വയസ്സുള്ള കൊമ്പനെ രണ്ട് വര്‍ഷമുമ്പാണ് മുത്തങ്ങ പന്തിയിലെത്തിച്ച് കൊട്ടിലിലാക്കിയത്.
