പുല്‍പ്പള്ളി പാടിച്ചിറ തെക്കേടത്ത് ടിവി മത്തായി (മാമച്ചന്‍ 55) യെയാണ് പുല്‍പ്പള്ളി പോലീസ് അറസ്റ്റ് ചെയ്തത്. കഴിഞ്ഞ ദിവസം വൈകുന്നേരം പുല്‍പ്പള്ളി പോലീസ് സ്റ്റേഷന്‍ പരിധിയിലെ സ്‌കൂള്‍ വിദ്യാര്‍ത്ഥിനിയോട് സുഹൃത്തിന്റെ വീട്ടില്‍ വെച്ച് ശാരീരികാതിക്രമങ്ങള്‍ കാണിച്ചുവെന്ന പരാതിയുടെ അടിസ്ഥാനത്തിലാണ് അറസ്റ്റ്. സംഭവശേഷം കുട്ടി അയല്‍ക്കാരോട് പരാതിപ്പെട്ടതിന്റെ അടിസ്ഥാനത്തില്‍ കുട്ടിയുടെ രക്ഷിതാവിനെ വിവരം അറിയിക്കുകയും പോലീസില്‍ പരാതിപ്പെടുകയുമായിരുന്നു. കുട്ടിയുടെ മൊഴിയുടെ അടിസ്ഥാനത്തില്‍ പ്രതിക്കെതിരെ പോക്സോ നിയമപ്രകാരം കേസെടുത്ത് അറസ്റ്റ് ചെയ്തു
