ശമ്പളകുടിശ്ശിക ഉടന്‍ വിതരണം ചെയ്യുക, തൊഴിലാളികളെ പിരിച്ചുവിടാനുളള നീക്കം ഉപേക്ഷിക്കുക തുടങ്ങി വിവിധ ആവശ്യങ്ങളുന്നയിച്ച് ട്രേഡ് യൂണിയനുകള്‍ സംയുക്തമായി മേപ്പാടി ചെമ്പ്ര എസ്റ്റേറ്റ് ഓഫീസ് മാര്‍ച്ചും ധര്‍ണ്ണയും നടത്തി. ധര്‍ണ്ണ പ്ലാന്റേഷന്‍ ലേബര്‍ ഫെഡറേഷന്‍ സംസ്ഥാന വൈസ് പ്രസിഡന്റ് പി.വി സഹദേവന്‍ ഉദ്ഘാടനം ചെയ്തു. ശ്രീരാമന്‍ അദ്ധ്യക്ഷനായിരുന്നു. പികെ അനില്‍ കുമാര്‍ , എന്‍ വേണുഗോപാല്‍ , കെ ബാബു തുടങ്ങിയവര്‍ സംസാരിച്ചു.
