പുല്‍പ്പള്ളി ടൗണിലും പരിസര പ്രദേശങ്ങളിലും തെരുവ് നായ്ക്കളുടെ ശല്യം വര്‍ദ്ധിച്ചിട്ടും തെരുവ് നായ്ക്കളെ പിടികൂടാന്‍ അധികൃതര്‍ തയ്യാറാകുന്നില്ലെന്ന് പരാതി. പുല്‍പ്പള്ളി ടൗണിലും പരിസര പ്രദേശങ്ങളിലും, ഒരാഴ്ച്ചക്കിടെ നിരവധിയാളുകള്‍ക്കാണ് തെരുവ് നായയുടെ കടിയേറ്റത്. നായ്കളുടെ ശല്യം വര്‍ദ്ധിച്ചിരിക്കുകയാണ്. കഴിഞ്ഞ ദിവസം ചെറ്റപ്പാലം, താന്നിത്തെരുവ്, അമ്മാവന മുക്കിലും നിരവധി വളര്‍ത്തുമൃഗങ്ങളെ തെരുവ് നായ്ക്കള്‍ ആക്രമിച്ചു. നായ്ക്കളുടെ കടിയേറ്റതിനെ തുടര്‍ന്ന് മുന്ന് പശുക്കളെ പേവിഷബാധ ഉണ്ട് എന്ന ആശങ്കയില്‍ നിരീക്ഷണത്തില്‍ നിര്‍ത്തിയിരിക്കുകയാണ്. ടൗണിലും പരിസരങ്ങളിലും നിത്യേന നായ്ക്കളുടെ എണ്ണം വര്‍ദ്ധിച്ചു വരുന്നതും കാല്‍നടയാത്രക്കാര്‍ക്കും ബൈക്ക് യാത്രക്കാര്‍ക്കും ഭീഷണിയായി മാറിയിരിക്കുകയാണ്.
