വയനാട്ടിലെ മാധ്യമ പ്രവര്‍ത്തകനും സാമൂഹ്യ സാംസ്‌കാരിക പ്രവര്‍ത്തകനുമായിരുന്ന വി.ജി.വിജയന്റെ അനുസ്മരണ ദിനം വി.ജി.വിജയന്‍ അനുസ്മരണ സമിതിയുടെ നേതൃത്വത്തില്‍ ഞായറാഴ്ച്ച നടക്കും. രാവിലെ 10 മണിക്ക് കല്‍പ്പറ്റ പിണങ്ങോട് റോഡ് ജംഗ്ഷനിലെ ട്രൈഡന്റ് ആര്‍ക്കെയ്ഡിലെ ഗ്രെയ്‌സ് റസിഡന്‍സി ഹാളില്‍ നടക്കും സി.കെ. ശശീന്ദ്രന്‍ എം.എല്‍.എ ഉദ്ഘാടനം ചെയ്യുമെന്നും ഭാരവാഹികള്‍ കല്‍പ്പറ്റയില്‍ വാര്‍ത്താ സമ്മേളനത്തില്‍ അറിയിച്ചു. വി.ജി.വിജയന്‍ അനുസ്മരണം മീഡിയ അക്കാദമി മുന്‍ ചെയര്‍മാന്‍ എന്‍.പി രാജേന്ദ്രനും മധ്യമങ്ങളും സാമൂഹ്യ പ്രതിബദ്ധതയും എന്ന വിഷയത്തില്‍ ബിനോയ് വിശ്വം എം.പിയും സംസാരിക്കും. ചടങ്ങില്‍ സിവില്‍ സര്‍വ്വീസ് പരീക്ഷയില്‍ ഉന്നത വിജയം നേടിയ ശ്രീധന്യ സുരേഷിനെയും ഓള്‍ ഇന്ത്യാ ന്യൂസ് ഫോട്ടോഗ്രാഫി അവാര്‍ഡ് നേടിയ മാതൃഭൂമി ഫോട്ടോഗ്രാഫര്‍ പി.ജയേഷിനെയും അനുമോദിക്കുമെന്നും ഭാരവാഹികള്‍ വ്യക്തമാക്കി. അനുസ്മരണ സമിതി ചെയര്‍മാന്‍ വിജയന്‍ ചെറുകര, എ.പി. ശ്രീകുമാര്‍, സലാഹുദ്ദീന്‍ കടവന്‍ തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
