നെന്മേനി വനിതാ ഐ.ടി.ഐയോടുള്ള അവഗണനയില്‍ പ്രതിഷേധിച്ച് കെ.എസ്.യു നെന്മേനി പഞ്ചായത്ത് ഓഫീസിലേക്ക് മാര്‍ച്ച് നടത്തി. ചുള്ളിയോടുള്ള വനിതാ ഐ.ടിഐയോടുള്ള അവഗണന അവസാനിപ്പിക്കുക, ഐ.ടി.ഐയുടെ ശോചനീയാവസ്ഥ പരിഹരിക്കുക, കെട്ടിട നിര്‍മ്മാണം ഉടന്‍ ആരംഭിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് കെ.എസ്.യു പഞ്ചായത്ത് ഓഫീസിലേക്ക് മാര്‍ച്ച് നടത്തിയത് പ്രതിഷേധ മാര്‍ച്ച് യൂത്ത് കോണ്‍ഗ്രസ്സ് സംസ്ഥാന സെക്രട്ടറി കെ.ഇ വിനയന്‍ ഉദ്ഘാടനം ചെയ്തു. കെ.എസ്.യു ജില്ലാ പ്രസിഡണ്ട് അമല്‍ ജോയി അധ്യക്ഷനായിരുന്നു. അഡ്വ.ലയണ്‍ മാത്യു, സംഷാദ് മരക്കാര്‍, നിഖില്‍ തോമസ്, ഷാജി ചുള്ളിയോട് തുടങ്ങിയവര്‍ സംസാരിച്ചു.
