വനാതിര്‍ത്തിയോട് ചേര്‍ന്ന ട്രഞ്ചില്‍ കുടുങ്ങിയ പുലിയെ മയക്കുവെടി വെച്ച് പിടികൂടി. ചീരാല്‍ കമ്പക്കോടി വനാതിര്‍ത്തിയിലെ ആന പ്രതിരോധ കിടങ്ങിലാണ് ഇന്ന് രാവിലെ പുലി കുടുങ്ങിയത്. പ്രദേശവാസിയാണ് കരച്ചില്‍ കേട്ട് പുലി കുടുങ്ങിയ വിവരം മറ്റുള്ളവരെ അറിയിച്ചത്. ഫോറസ്റ്റ് വെറ്ററിനറി ഓഫീസര്‍ അരുണ്‍ സക്കറിയയുടെ നേതൃത്വത്തിലുള്ള വിദഗ്ധ സംഘം പുലിയുടെ ആരോഗ്യം തൃപ്തികരമെന്നു കണ്ടെത്തിയതിനാലാണ് തിരികെ വനത്തിലേക്കയച്ചത്.
