വൈത്തിരി: എം.കെ കുമാരന്‍ & ദാസന്‍ സ്മാരക എവറോളിങ് വിന്നേഴ്‌സ് ട്രോഫിക്കും 10001 രൂപ പ്രൈസ് മണിക്കുമായി തളിപ്പുഴ റെഡ് സ്റ്റാര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ടൂറിസം ക്ലബ്ബിന്റെ നേതൃത്വത്തില്‍ നടത്തിയ ഒന്നാമത് അഖില കേരള സെവന്‍സ് ഫുട്‌ബോള്‍ ടൂര്‍ണമെന്റില്‍ ടീം നൊസ്‌ക്ക പൂനൂര്‍ ജേതാക്കളായി.ഈഗിള്‍ എഫ്.സി പഴയ വൈത്തിരി മുത്തേതൊടി സൈതാലി കുരിക്കള്‍ എവറോളിങ് റണ്ണേഴ്സ് അപ്പ് ട്രോഫിയും 5001 രൂപയും കരസ്ഥമാക്കി. 16 ടീമുകള്‍ ആണ് ടൂര്‍ണമെന്റില്‍ പങ്കെടുത്തത്. എം.കെ സന്തോഷ് കുമാര്‍, എം.എസ് ഷാജഹാന്‍, കെ.ടി ഷഫീര്‍ തുടങ്ങിയവര്‍ വിജയികള്‍ക്കുള്ള സമ്മാനദാനം നല്‍കി.
