പുല്‍പ്പള്ളി: ഏപ്രില്‍ 23-ന് നടക്കുന്ന പാര്‍ലമെന്റ് തിരഞ്ഞെടുപ്പില്‍ വയനാട് പാര്‍ലമെന്റ് മണ്ഡലം ഇടതുപക്ഷ ജനാധിപത്യ മുന്നണി സ്ഥാനാര്‍ത്ഥി പി.പി സുനീറിനെ വിജയിപ്പിക്കുന്നതിനായി എല്‍.ഡി.എഫ് കാപ്പി സെറ്റ് ലോക്കല്‍ കമ്മിറ്റിയുടെ നേതൃത്വത്തില്‍ തിരഞ്ഞടുപ്പ് കമ്മിറ്റി രൂപീകരിച്ചു. കണ്‍വെന്‍ഷന്‍ സി.പി.ഐ.എം. ജില്ലാ സെക്രട്ടറിയേറ്റ് അംഗം പി.ജെ.ബേബി ഉദ്ഘാടനം ചെയ്തു. ടി.വി അനില്‍ മോന്‍ അധ്യക്ഷത വഹിച്ചു. പി .എസ്.ജനാര്‍ദനന്‍, എം.എസ് സുരേഷ് ബാബു, പ്രകാശന്‍, ഗഗാറിന്‍, പി.ജെ ചാക്കോച്ചന്‍, വിന്‍സന്‍ നെടുംകൊമ്പിന്‍, ടി.കെ ശിവന്‍, സജി തൈപ്പറമ്പില്‍ തുടങ്ങിയവര്‍ സംസാരിച്ചു. തിരഞ്ഞെടുപ്പ് കമ്മിറ്റി ചെയര്‍മാനായി ടി.കെ.ശിവന്‍, കണ്‍വീനറായി ടി.വിഅനില്‍ മോന്‍ എന്നിവരെ തിരഞ്ഞെടുത്തു.
