പടിഞ്ഞാത്തറ വീട്ടിക്കാമൂല കുത്തിനി കുഞ്ഞബ്ദുള്ള ഹാജിയുടെ വീട്ടിലാണ് കഴിഞ്ഞ ദിവസമാണ് മോഷണം നടന്നത്.വീട്ടിലുണ്ടായിരുന്ന മൂന്ന് സ്ത്രീകള്‍ പുറത്തിങ്ങിയ സമയം നോക്കിയാണ് പടിഞ്ഞാത്തറ- കല്‍പ്പറ്റ റോഡരികിലെ വീട്ടില്‍ അജ്ഞാതരായ രണ്ട് പേരെത്തിയത്.ഇവര്‍ വീട്ടിലുണ്ടായിരുന്ന കുഞ്ഞബ്ദുള്ളഹാജിയുടെ ഭാര്യ ഫാത്തിമയെ വീട്ടിനുള്ളിലേക്ക് കയറ്റി വാതിലടച്ച് വീട്ടിനുള്ളിലുണ്ടായിരുന്ന കത്തിയെടുത്ത് കാട്ടി ഭീഷണിപ്പെടുത്തുകയായിരുന്നു.തുടര്‍ന്ന് ഇവരുടെ കൈയ്യിലുണ്ടായിരുന്നതും അലമാരയില്‍ സൂക്ഷിച്ചിരുന്നതുമായ ഒരുലക്ഷത്തോളം രൂപയും രണ്ട് ഗ്രാമോളം വരുന്ന മോതിരവും കൈവശപ്പെടുത്തി മോഷ്ടാക്കള്‍ രക്ഷപ്പെടുകയായിരുന്നു.പോലീസില്‍ വിവരമറിയിച്ചതിനെ തുടര്‍ന്ന് കല്‍പ്പറ്റ ഡി.വൈ.എസ്.പി ഉള്‍പ്പെടെയുള്ള പോലീസ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി.
