പൂക്കോട് വെറ്ററിനറി കോളേജ് ക്യാമ്പസിലേക്ക് കോണ്‍ഗ്രസിന്റെ നേതൃത്വത്തില്‍ നടത്തിയ മാര്‍ച്ചില്‍ സംഘര്‍ഷം. ഡിസിസിയുടെ നേതൃത്വത്തിലായിരുന്നു മാര്‍ച്ച്. പോലീസിനെ മറികടന്ന് പ്രവര്‍ത്തകര്‍ ക്യാമ്പസിലേക്ക് കയറാന്‍ ശ്രമിച്ചു ഇതാണ് സംഘര്‍ഷത്തിന് കാരണമായത്.രമേശ് ചെന്നിത്തല,ടി സിദ്ദിഖ് എംഎല്‍എ, കെഎസ്യു സംസ്ഥാന പ്രസിഡന്റ് അലോഷ്യസ് ഉള്‍പ്പെടെയുള്ള നേതാക്കള്‍ നേതൃത്വം നല്‍കി. യൂത്ത് കോണ്‍ഗ്രസ്സ് , കെഎസ്യു പ്രവര്‍ത്തകര്‍ ഉള്‍പ്പെടെ നൂറുകണക്കിന് പ്രവര്‍ത്തകര്‍ മാര്‍ച്ചില്‍ അണിനിരന്നു.
