പൊഴുതന ടൗണില് വന് കഞ്ചാവ് വേട്ട. എക്സൈസ് 11.300 കിലോ കഞ്ചാവ് പിടികൂടി. കഞ്ചാവ് സൂക്ഷിച്ചുവച്ച കുറ്റത്തിന് പൊഴുതന സ്വദേശി കാരാട്ട് വീട്ടില് ജംഷീര് അലി, ആലപ്പുഴ സ്വദേശി സൗമ്യഭവനം വീട്ടില് സുരേഷ് എന്നിവരെ കല്പ്പറ്റ എക്സൈസ് സര്ക്കിള് ഇന്സ്പെക്ടര് ടി.ഷറഫുദ്ദീനും സംഘവും ചേര്ന്ന് അറസ്റ്റ് ചെയ്തു. പൊഴുതന ടൗണിന് സമീപം നിര്മ്മാണത്തിലിരിക്കുന്ന വീടിന്റെ അടുക്കള ഭാഗത്ത് കുഴിച്ചിട്ട നിലയിലായിരുന്നു കഞ്ചാവ് ഉണ്ടായിരുന്നത്. ജംഷീര് അലി നിരവധി മയക്കുമരുന്ന് കേസുകളില് പ്രതിയായ സ്ഥിരം കുറ്റവാളിയാണ്. വയനാട് ജില്ലയിലെ പ്രധാന മയക്കുമരുന്ന് വില്പ്പനക്കാരാണ് പിടികൂടിയ ജംഷീര് അലിയും സുരേഷും. ജംഷീര് അലി ഗഅജജഅ ചുമത്തി നാടുകടത്തിയിരുന്ന വ്യക്തി കൂടിയാണ്. പരിശോധനയില് പ്രിവന്റീവ് ഓഫീസര്മാരായ അബ്ദുല് അസീസ് കെ കെ, കൃഷ്ണന്കുട്ടി പി, സിവില് എക്സൈസ് ഓഫീസര്മാരായ വൈശാഖ് വി കെ, അനീഷ് കെ ബി, അജയ് കെ എന്നിവര് പങ്കെടുത്തു.
