Image Courtesy: kca……
കൃഷ്ണഗിരി സ്റ്റേഡിയത്തില്‍ നടക്കുന്ന രഞ്ജി ട്രോഫി ക്രിക്കറ്റില്‍ കേരളത്തിന് ചരിത്രവിജയം. ആദ്യമായി കേരളം രഞ്ജി ട്രോഫി സെമിയിലെത്തി ക്വാര്‍ട്ടറില്‍ ഗുജറാത്തിനെതിരെ 113 റണ്‍സിനായിരുന്നു വിജയം. ബേസില്‍ തമ്പി മാന്‍ ഓഫ് ദി മാച്ച്. സെമി ഫൈനല്‍ മത്സരങ്ങള്‍ക്കും കൃഷ്ണഗിരി സ്റ്റേഡിയം വേദിയാകും. ബേസില്‍ തമ്പിയുടെയും സന്ദീപ് വാര്യറുടെയും മികച്ച ബൗളിംഗ് പ്രകടനമാണ് കേരളത്തെ ജയത്തിലേക്ക് എത്തിച്ചത്.
Image Courtesy: kca……
195 റണ്‍സ് വിജയലക്ഷ്യവുമായി മൂന്നാം ദിനം രണ്ടാം ഇന്നിംഗ്‌സ് ബാറ്റിംഗിനിറങ്ങിയ ഗുജറാത്തിനെ പേസര്‍മാരുടെ മികവില്‍ കേരളം 81 റണ്‍സിന് എറിഞ്ഞിട്ടു. 114 റണ്‍സിന്റെ ജയവുമായി കേരളം ആദ്യമായി സെമിയിലേക്ക്. അഞ്ച് വിക്കറ്റ് വീഴ്ത്തിയ ബേസില്‍ തമ്പിയും നാല് വിക്കറ്റെടുത്ത സന്ദീപ് വാര്യരും ചേര്‍ന്നാണ് ഗുജറാത്തിനെ തകര്‍ത്തത്. സ്‌കോര്‍ കേരളം 185/9, 162, ഗുജറാത്ത് 171, 81. തുടര്‍ച്ചയായി രണ്ടുവട്ടം ക്വാര്‍ട്ടറിലെത്തിയ കേരളത്തിന്റെ ആദ്യ സെമിഫൈനല്‍ പ്രവേശനമാണിത്. ക്രിക്കറ്റില്‍ രാജ്യത്തെ മുന്‍നിര ടീമുകളിലൊന്നാവാനും ഈ നേട്ടത്തോടെ കേരളത്തിന് കഴിഞ്ഞു.
Image Courtesy: kca……
