വാഹന പരിശോധനക്കിടെ മാരക മയക്കുമരുന്നായ എംഡിഎംഎയുമായി യുവാവിനെ മുത്തങ്ങ എക്‌സൈസ് ചെക്ക്‌പോസ്റ്റ് അധികൃതര്‍ പിടികൂടി. കോഴിക്കോട് താഴെക്കോട് മുക്കം കരികുഴിയാന്‍ വീട്ടില്‍ കെ.കെ ഷര്‍ഹാന്‍(31) ആണ് പിടിയിലായത്.ഇയാളില്‍ നിന്ന് 93 ഗ്രാം എംഡിഎംഎ കണ്ടെടുത്തു. മൈസൂരുവില്‍ നിന്ന് കോഴിക്കോടിന് വരുകയായിരുന്ന കെഎസ്ആര്‍ടിസി ബസില്‍ നിന്നാണ് ഷര്‍ഹാനെ എംഡിഎംഎയുമായി പിടികൂടിയത്.ഇയാളെ തുടര്‍ നടപടികള്‍ക്കായി ബത്തേരി എക്‌സൈസ് റേഞ്ച് ഓഫീസിന് കൈമാറി. എക്‌സൈസ് ഇന്‍സ്‌പെക്ടര്‍ എ.ജി തമ്പി,പിഇഒമാരായ രാജേഷ് കോമത്ത്,പി.കെ മനോജ്,സിഇഒമാരായ കെ.വി രാജീവന്‍,കെ.എം മഹേഷ് എന്നിവരടങ്ങുന്ന സംഘമാണ് പരിശോധന നടത്തിയത്.
