തോല്‍പ്പെട്ടി എക്സൈസ് ചെക്ക്‌പോസ്റ്റില്‍എക്സൈസ് ഇന്‍സ്പെക്ടര്‍ ജിജില്‍കുമാറിന്റെ നേതൃത്വത്തില്‍ നടന്ന പരിശോധനയില്‍ 52.01 ഗ്രാം എം ഡി എം എ യുമായി മൂന്ന് യുവാക്കള്‍ പിടിയില്‍. കോഴിക്കോട് ബേപ്പൂര്‍ സ്വദേശിനാലുപറമ്പില്‍ വീട്ടില്‍ നിഷാദ് എന്‍. പി (26), ടി.ടി ഹൗസില്‍ സയ്യിദ് സഹദ് ഇബ്‌നു ഉമ്മര്‍. കെ. പി (20), കണ്ണന്‍ തൊടി പറമ്പില്‍ വീട്ടില്‍ മുഹമ്മദ് ആഷിക് എന്‍.വി(27)എന്നിവര്‍ക്കെതിരെയാണ് എന്‍ ഡി പി എസ് കേസ് രജിസ്റ്റര്‍ ചെയ്തത്. ഇവര്‍ സഞ്ചരിച്ച കെ എല്‍ 11 ഡി 7575 നമ്പര്‍ മഹീന്ദ്ര അര്‍മഡ ജീപ്പും കസ്റ്റടിയില്‍ എടുത്തിട്ടുണ്ട്. പരിശോധനയില്‍ സിവില്‍ എക്സൈസ് ഓഫീസര്‍മാരായ ഷിനോജ്. എം. ജെ, മാനുവല്‍ ജിംസണ്‍. ടി. പി,അനീഷ്. ഇ. എസ് എന്നിവരും ഉണ്ടായിരുന്നു.
