വ്യവസായിക അടിസ്ഥാനത്തില്‍ വില്‍പ്പനക്കായ് കൊണ്ടുവന്ന 200 ഗ്രാം എംഡിഎംഎയുമായി യുവാവ് ബാവലി ചെക്ക് പോസ്റ്റില്‍ അറസ്റ്റില്‍.കോഴിക്കോട് നരിക്കുനി സ്വദേശി കിഴക്കേടത്ത് വിനൂപ് കെ.ബിയെയാണ് മാനന്തവാടി സര്‍ക്കിള്‍ ഇന്‍സ്പെക്ടര്‍ സജിത് ചന്ദ്രന്‍,എക്‌സ്സൈസ് ഇന്‍സ്പെക്ടര്‍ ജിജില്‍ കുമാര്‍ എന്നിവര്‍ നടത്തിയ പതിവ് പരിശോധനയില്‍ പിടികൂടിയത്. ഇയാള്‍ സഞ്ചരിച്ച കെ.എല്‍ 11 എ എ 2919 ഹ്യൂണ്ടായ് വെര്‍ന കാറില്‍ നിന്നാണ് എംഡി എം എ പിടികൂടിയത്.
ഇയാള്‍ക്കെതിര എന്‍ ഡി പി എസ് നിയമപ്രകാരം കേസ് എടുത്തു. വിപണിയില്‍ 20 ലക്ഷത്തോളം വിലമതിക്കുന്നതാണ് പിടികൂടിയ എം ഡി എം എ .വ്യവസായിക അളവില്‍ എം ഡി എം എ ഉള്ളതിനാല്‍ 20 കൊല്ലം തടവും, 2 ലക്ഷം രൂപ പിഴയും ലഭിക്കുന്ന കുറ്റമാണിത്.തുടര്‍നടപടികള്‍ക്കായി മാനന്തവാടി ജുഡിഷ്യല്‍ ഫസ്റ്റ് ക്ലാസ് മജിട്രേറ്റ്‌കോടതിയില്‍ ഹാജരാക്കി.പ്രിവന്റീവ്ഓഫീസര്‍ മാരായ ഏലിയാസ്. പിവി, ജിനോഷ് പി. ആര്‍, സിവില്‍ എക്‌സ്സൈസ് ഓഫീസര്‍മാരായ അര്‍ജുന്‍. എം, പ്രിന്‍സ് ടിജെ, സനൂപ്, ചന്ദ്രന്‍. എ സി സുരേഷ് വി.കെ എന്നിവര്‍ പരിശോധനയില്‍ പങ്കെടുത്തു.
