ഇന്ന് രാവിലെയാണ് താമരശ്ശേരി ചുരം രണ്ടാം വളവില്‍ പിക്കപ്പ് മറിഞ്ഞത്. അപകടത്തില്‍ ഡ്രൈവറുടെ കൈയൊടിഞ്ഞു മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. രാവിലെയുണ്ടായ കനത്ത മഴയും അമിതവേഗതയുമാണ് അപകടത്തിനു കാരണമായത്. പയ്യോളിയില്‍ നിന്നും വയനാട്ടിലേക്ക് ബേക്കറി സാധനങ്ങളുമായി പോകുകയായിരുന്ന വാഹനമാണ് അപകടത്തില്‍ പെട്ടത്. റോഡില്‍ ഭാഗീകമായി ഗതാഗത തടസ്സം നേരിട്ടതിനാല്‍ പോലീസും ചുരം സംരക്ഷണ സമിതി പ്രവര്‍ത്തകരും ചേര്‍ന്ന് ഗതാഗതം നിയന്ത്രിച്ചു.
