ബത്തേരി ടൗണില്‍ നിന്നും കേവലം നാനൂറ് മീറ്റര്‍ മാത്രം അകലെയുള്ള സത്രംകുന്നാണ് കടുവ ഭീതിയിലായിരിക്കുന്നത്.വനത്തോട് ചേര്‍ന്നുകിടക്കുന്ന ജനവാസകേന്ദ്രങ്ങളില്‍ കടുവയെ പ്രദേശവാസികള്‍ കണ്ടതാണ് നാട്ടുകാര്‍ ഭീതിയിലാകാന്‍ കാരണം.കഴിഞ്ഞ ഒരുമാസക്കാലമായി പ്രദേശത്ത് കടുവയെ കാണാറുണ്ടെന്ന് നാട്ടുകാര്‍ പറയുന്നു.ഇന്ന് രാവിലെ ഏഴുമണിയോടെ കിഴക്കേചാലില്‍ രാംദാസിന്റെ വീടിനോട് ചേര്‍ന്നുള്ള സ്വകാര്യവ്യക്തിയുടെ സ്ഥലത്താണ് ഒടുവില്‍ കടുവയെ കണ്ടത്.വനപാലകര്‍ സ്ഥലത്തെത്തി പരിശോധന നടത്തി.
