പുല്‍പ്പള്ളി വീടുകളില്‍ സ്ത്രീകള്‍ക്കെതിരെ വര്‍ദ്ധിച്ചു വരുന്ന കുടുംബ പ്രശ്‌നങ്ങള്‍ക്ക് പരിഹാരം കാണുന്നതിന് പഞ്ചായത്ത്തല ജാഗ്രത സമിതികള്‍ക്ക് കഴിയുമെന്ന് മുന്‍ വനിതാ കമ്മീഷന്‍ അധ്യക്ഷ കെ.സി റോസക്കുട്ടി ടീച്ചര്‍. മുള്ളന്‍കൊല്ലി പഞ്ചായത്തില്‍ നടന്ന വാര്‍ഡ്തല ജാഗ്രത പ്രവര്‍ത്തകര്‍ക്കുള്ള ഏകദിന പരിശീലന ക്യാമ്പ് ഉദ്ഘാടനം ചെയ്തു സംസാരിക്കുകയായിരുന്നു അവര്‍. ഗ്രാമ പഞ്ചായത്ത് പ്രസിഡണ്ട് ഗിരിജാ കൃഷ്ണന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡണ്ട് ടി.എസ് ദിലീപ് കുമാര്‍, ഡി.വൈ.എസ്.പി. പ്രിന്‍സ് എബ്രഹാം, മുനീര്‍ ആച്ചിക്കുളത്ത്, വര്‍ഗീസ് മുരിയന്‍കാവില്‍, ഷിനു കച്ചിറയില്‍, മേഴ്‌സി ബെന്നി, എന്നിവര്‍ സംസാരിച്ചു.
