ജനുവരി 1 ന് നടക്കുന്ന വനിതാ മതിലില്‍ വൈത്തിരി ഗ്രാമ പഞ്ചായത്തില്‍ നിന്നും 1000 പേരെ പങ്കെടുപ്പിക്കാന്‍ സംഘാടക സമിതി രൂപീകരണ യോഗത്തില്‍ തീരുമാനിച്ചു. നിരവധി പോരാട്ടങ്ങളിലൂടെ കൈവരിച്ച നവോത്ഥാന മൂല്യങ്ങള്‍ സംരക്ഷിക്കേണ്ടത് സമൂഹത്തിന്റെ ഉത്തരവാദിത്വമാണ് എന്ന് യോഗം വിലയിരുത്തി. വൈത്തിരി ഗ്രാമ പഞ്ചായത്ത് കമ്മ്യൂണിറ്റി ഹാളില്‍ ചേര്‍ന്ന സംഘാടക സമിതി രൂപീകരണ യോഗം ഗ്രാമപഞ്ചായത്ത് പ്രസിഡണ്ട് വി. ഉഷാകുമാരി ഉദ്ഘാടനം ചെയ്തു. വൈത്തിരി ഗ്രാമ പഞ്ചായത്ത് പ്രസിഡണ്ട് വി. ഉഷാകുമാരി ചെയര്‍പേഴ്സണായും അസി. സെക്രട്ടറി സുരേഷ് എം.ബി കണ്‍വീനറുമായി 101 അംഗ സംഘാടക സമിതി രൂപീകരിച്ചു. ക്ഷേമകാര്യ ചെയര്‍മാന്‍ എം.വി വിജേഷ്, വികസന കാര്യ ചെയര്‍പേഴ്സണ്‍ എല്‍.സി ജോര്‍ജ്ജ്, വാര്‍ഡ് അംഗങ്ങളായ ബീന പ്രകാശ്, ഷൈനി ഉദയകുമാര്‍, സി.ഡിഎസ് ചെയര്‍പേഴ്സണ്‍ അംബികാ കുമാരന്‍, എന്‍.കെ ഉഷ, ഉഷാ ജ്യോതിദാസ്, ഹരിത കേരളം ജില്ലാ കോര്‍ഡിനേറ്റര്‍ ബി.കെ സുധീര്‍കിഷന്‍ എന്നിവര്‍ സംസാരിച്ചു.
