ചെന്നലോട്:ചെന്നലോട് ഗവണ്‍മെന്റ് യുപി സ്‌കൂളിന്റെ അറുപത്തിയെട്ടാമത് വാര്‍ഷികാഘോഷവും നാട്ടുകാരുടെയും സ്‌കൂള്‍ വികസന സമിതിയുടെയും സഹായത്തോടെ ഒരു കോടി രൂപ ചെലവില്‍ നിര്‍മ്മിച്ച ഇന്‍ഡോര്‍ സ്റ്റേഡിയത്തിന്റെ ഉദ്ഘാടനവും സ്‌കൂള്‍ അങ്കണത്തില്‍ നടന്നു. ഇന്‍ഡോര്‍ സ്റ്റേഡിയത്തിന്റെയും വാര്‍ഷികാഘോഷത്തിന്റെ ഉദ്ഘാടന കര്‍മ്മം കല്‍പ്പറ്റ എം എല്‍ എ അഡ്വ. ടി സിദ്ധിഖ് നിര്‍വഹിച്ചു. തരിയോട് ഗ്രാമപഞ്ചായത്ത് പ്രസിഡണ്ട് ശ്രീ ഷിബു വി.ജി. അധ്യക്ഷത വഹിച്ച ചടങ്ങില്‍ തരിയോട് ഗ്രാമപഞ്ചായത്ത് വൈസ് പ്രസിഡന്റ് ശ്രീമതി ഷീജ ആന്റണി, ബ്ലോക്ക് പഞ്ചായത്ത് മെമ്പര്‍ ഷിബു പോള്‍ ,തരിയോട് ഗ്രാമപഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ഷമീം പാറക്കണ്ടി, സ്‌കൂള്‍ വികസന സമിതി കണ്‍വീനര്‍ ബഷീര്‍ കണിയാങ്കണ്ടി തുടങ്ങിയവര്‍ സന്നിഹിതരായിരുന്നു.സ്‌കൂള്‍ ഹെഡ്മാസ്റ്റര്‍ എമ്മാനുവല്‍ ഒ സി വാര്‍ഷിക റിപ്പോര്‍ട്ട് അവതരിപ്പിച്ചു. പിടിഎ പ്രസിഡണ്ട് ശ്രീ ബിനു.വി.കെ. സ്വാഗതവും, പ്രോഗ്രാം കണ്‍വീനര്‍ ജ്യോതീഷ് കെ ജോണ്‍ നന്ദിയും പറഞ്ഞു.
