വാളത്തൂര്‍ ക്വാറി ആക്ഷന്‍ കമ്മിറ്റിയുടെ നേതൃത്വത്തില്‍ തിങ്കളാഴ്ച മൂപ്പൈനാട് വില്ലേജ് ഓഫീസ് ഉപരോധിക്കും. മൂപ്പൈനാട് പഞ്ചായത്തിലെ വാളത്തൂര്‍ ചീരമട്ടത്ത് അനുവദിച്ച ക്വാറി ലൈസന്‍സ് റദ്ദാക്കുക, ജില്ലാ കളക്ടര്‍, എഡിഎം, ഡപ്യൂട്ടി കളക്ടര്‍ എന്നിവര്‍ സ്ഥലം സന്ദര്‍ശിക്കുക തുടങ്ങി ആവശ്യങ്ങള്‍ ഉന്നയിച്ചാണ് സമരം.അതീവ പരിസ്ഥിതിലോലവും 2019ല്‍ മണ്ണിടിച്ചില്‍ ഉണ്ടായതും ജില്ലാ ദുരന്ത നിവാരണ അതോററ്റി റെഡ് സോണില്‍ ഉള്‍പ്പെടുത്തിയതുമായ പ്രദേശമാണ് വാളത്തൂര്‍. ഇവിടെ നിയമങ്ങളും നിയന്ത്രണങ്ങളും കാറ്റില്‍ പറത്തിയാണ് ക്വാറി തുടങ്ങുന്നതെന്ന് പ്രാദേശവാസികള്‍ വാര്‍ത്ത സമ്മേളനത്തില്‍ പറഞ്ഞു.
