വടക്കനാട് വള്ളുവാടിയില്‍ കടുവയുടെ ആക്രമണത്തില്‍ പശുവിന് പരുക്കേറ്റു. വള്ളുവാടി കരവട്ടാറ്റിങ്കര പൗലോസിന്റെ പശുവിനെയാണ് കടുവ ആക്രമിച്ചത്്. ഇന്ന് ഉച്ചയ്ക്ക്് രണ്ട് മണി ഓടെയാണ് സംഭവം. മാടക്കുണ്ട് കോളനിക്ക് സമീപത്തെ ശ്മശാനത്തോട് ചേര്‍ന്ന് മേയാന്‍കെട്ടിയിരുന്ന പശുവിനെയാണ് കടുവ ആക്രമിച്ച് പരുക്കേല്‍പ്പിച്ചത്്. ആക്രമണത്തില്‍ പശുവിന്റെ കഴുത്തിനും പുറത്തും പരുക്കേറ്റു. ബഹളം കേട്ട് സമീപവാസികള്‍ ഓടിയത്തിയപ്പോഴേക്കും കടുവ പശുവിനെവിട്ട് സമീപത്തെ വനത്തിലേക്ക് ഓടിമറഞ്ഞു. വിവരമറിഞ്ഞ് വനപാലകര്‍ സ്ഥലത്തെത്തി പരിശോധന നടത്തി. നിരീക്ഷണത്തിനായി പ്രദേശത്ത് രണ്ട് ക്യാമറകള്‍ സ്ഥാപിച്ചിട്ടുണ്ട്. ജനവാസ മേഖലയില്‍ കടുവയിറങ്ങിയ സാഹചര്യത്തില്‍ കടുവയെ കൂടുവെച്ച് പിടികൂടണമെന്നും കൂടാതെ വൈല്‍ഡ് ലൈഫ് വാര്‍ഡന്‍ സ്ഥലം സന്ദര്‍ശിക്കണമെന്നുമാണ് നാട്ടുകാരുടെ ആവശ്യം.
