ബത്തേരി ജെ.സി.ഐന്റെ പുതിയഭാരവാഹികളുടെ സ്ഥാനാരഹണ ചടങ്ങ് സംഘടിപ്പിച്ചു. പുതിയ പ്രസിഡണ്ടായി കെ.രൂപേഷും, സെക്രട്ടറിയായി മോബിന്‍ എബ്രഹാമും, ട്രഷററായി റിജോ തോമസും സ്ഥാനമേറ്റു. ജെ.സി.ഐന്റെ നേതൃത്വത്തില്‍ ആരംഭിക്കുന്ന രണ്ടാമത്തെ ആംബുലന്‍സിന്റെ ഫ്‌ളാഗ് ഓഫ് കര്‍മ്മം ജെ.സി.ഐ സോണ്‍ പ്രസിഡണ്ട് ജെയ്‌സണ്‍ തോമസ് നിര്‍വ്വഹിച്ചു. പ്രളയബാധിത പ്രദേശങ്ങളില്‍ വീട് നഷ്ടപ്പെട്ടവര്‍ക്ക് വീട് നിര്‍മ്മിച്ചു നല്‍കുന്നതിന്റെ ഭാഗമായി ജെ.സി.ഐ അംഗമായ രതീഷ് ബത്തേരി ജെ.സി.ഐക്ക്് നല്‍കിയ നാല് സെന്റ് ഭൂമിയുടെ ആധാരം നഗരസഭ ചെയര്‍മാന്‍ ടി.എല്‍ സാബുവിന് ചടങ്ങില്‍ കൈമാറി. ചടങ്ങില്‍ യോഹന്നാന്‍ മറ്റത്തില്‍, അഡ്വ. പി.എന്‍. സുരേന്ദ്രന്‍, എം.കെ. സത്യന്‍, ഷിബിന്‍ മോഹന്‍, അജിത്കുമാര്‍ തുടങ്ങിയവര്‍ സംസാരിച്ചു.
