പ്രളയക്കെടുതി മൂലം ദുരിതമനുഭവിക്കുന്ന പെരിക്കല്ലുര്‍ക്കടവ്, ബൈരക്കുപ്പ പ്രദേശത്തെ 200 -ഓളം കുടുംബങ്ങള്‍ക്ക് ഗുഡ് ഷെപ്പേര്‍ഡ് കോണ്‍വെന്റിന്റെ നേതൃത്വത്തില്‍ സഹായങ്ങള്‍ വിതരണം ചെയ്തു. ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. ഭക്ഷ്യധാന്യങ്ങള്‍, പഠനോപകരണങ്ങള്‍, വസ്ത്രങ്ങള്‍ അടക്കമുള്ള കിറ്റുകളാണ് വിതരണം ചെയ്തത്. സിസ്റ്റര്‍ ലിസി അധ്യക്ഷത വഹിച്ചു. ജില്ലാ പഞ്ചായത്തംഗം വര്‍ഗ്ഗീസ ്മുരിയന്‍കാവില്‍, ഗ്രാമ പഞ്ചായത്ത് വൈസ് പ്രസിഡണ്ട് ശിവരാമന്‍ പാറക്കുഴി, ഗ്രാമ പഞ്ചായത്തംഗം ജാന്‍സി ജോസഫ്, എന്നിവര്‍ സംസാരിച്ചു.
