മുന്നണിയെന്ന നിലയില്‍ രണ്ടു വര്‍ഷമായിട്ടും എന്‍.ഡി.എയില്‍ നിന്ന് പരിഗണന കിട്ടിയില്ലെന്ന് ജനാധിപത്യ രാഷ്ട്രീയസഭ നേതാവ് സി.കെ ജാനു. ഇതില്‍ അണികള്‍ക്ക് കടുത്ത പ്രതിഷേധമുണ്ട്. ഇങ്ങനെയെങ്കില്‍ പാര്‍ട്ടിക്ക് തീരുമാനമെടുക്കേണ്ടിവരും. 14-ാം തിയ്യതി കോഴിക്കോട് നടക്കുന്ന പാര്‍ട്ടി സംസ്ഥാന കമ്മിറ്റി യോഗത്തില്‍ മുന്നണി വിടുന്നത് ഉള്‍പ്പടെയുള്ള കാര്യങ്ങള്‍ തീരുമാനിക്കുമെന്നും സി.കെ ജാനു പറഞ്ഞു. ശബരിമല സ്ത്രീ പ്രവേശനത്തില്‍ സുപ്രീംകോടതി വിധിയെ ബഹുമാനിക്കുന്നുവെന്ന് ജനാധിപത്യ രാഷ്ട്രീയസഭ നേതാവ് സി.കെ ജാനു. നിയമം എല്ലാവര്‍ക്കും ബാധകമാണെന്നും സി.കെ ജാനു പറഞ്ഞു.
