നൂല്‍്പ്പുഴ മുക്കുത്തികുന്നിലാണ് ഇന്ന് പുലര്‍ച്ചെ അഞ്ചരയോടെയാണ് കാട്ടാനയുടെ ആക്രമണം ഉണ്ടായത്. കുന്നത്തുശ്ശേരി വിനോദിന്റെ വീടിനുനേരയായിരുന്നു ആക്രമണം. വീടിനോട് ചേര്‍ന്ന ഷെഡ്ഡില്‍ നിറുത്തിയിട്ടിരുന്ന സ്‌കൂട്ടര്‍ തകര്‍ത്ത കാട്ടാന പിന്നീട് ഷെഡ്ഡും തകര്‍ത്തും. ശബ്ദംകേട്ട് പുറത്തിറങ്ങിയ വിനോദിനുനേരെയും കാട്ടാന പാഞ്ഞടുത്തു. വിനോദ് ഓടി രക്ഷപ്പെടുകയായിരുന്നു.വീട്ടുകാര്‍ ബഹളം ഉണ്ടാക്കിയതോടെയാണ് സമീപത്തെ വനത്തിലേക്ക് കാട്ടാന പിന്‍വാങ്ങിയത്.
