കാട്ടിക്കുളം പ്രദേശത്തെ ഭീതിയിലാഴ്ത്തിയ കടുവയെ ഉള്‍വനത്തിലേക്ക് തുരത്തി. തോല്‍പ്പെട്ടി, ചെതലയം, മാനന്തവാടി ,ബേഗൂര്‍ ,തലപ്പുഴ റെയിഞ്ചിലെ വനപാലകരും, ബത്തേരി റെയിഞ്ചിലെ റാപ്പിഡ് റസ്പോണ്‍സ് ടീമും അടങ്ങുന്ന 60 അംഗ പ്രത്യേക സംഘമാണ് ഇന്നലെ വൈകീട്ട് കടുവയെ ഹരിഹരചോല വനത്തിലേക്ക് തുരത്തിയത്.
കഴിഞ്ഞ മൂന്നു ദിവസത്തിനുള്ളില്‍ പകലും രാത്രിയുമായി നിരവധി ആളുകള്‍ കടുവയെ കണ്ടിട്ടുണ്ട്.ചൊവാഴ്ച്ച പുളിമൂട്കുന്നിലെ സുരേഷിന്റെ പശുവിനെ കടുവ കൊന്നിരുന്നു.
വിട്ടുമുറ്റത്ത് അലക്കിയ തുണി വിരിച്ചിടുകയായിരുന്ന പോലിസ് കുന്നിലെ കൈനിത്തോടിയില്‍ ബിവാത്തുവും പുളിക്കല്‍ ലഷ്മിക്കുട്ടിഅമ്മയും കടുവയുടെ മുന്നില്‍ നിന്നും രക്ഷപ്പെട്ടത് തലനാരിഴക്കാണ്.റെയ്ഞ്ചര്‍മ്മാരായ വി. രതീശന്‍, പി .സുനില്‍ ,കെ.വി ബിജു,സെക്ഷന്‍ ഫോറസ്റ് ഓഫീസര്‍ ടി ആര്‍ സന്തോഷ് എന്നിവര്‍ നേതൃത്വം നല്‍കി
