സുല്‍ത്താന്‍ ബത്തേരി നഗരസഭ താലൂക്ക് ആയ്യൂര്‍വേദ ആശുപത്രിയുമായി ചേര്‍ന്ന് നടപ്പാക്കുന്ന വിവിധ ആരോഗ്യ പദ്ധതികളുടെ ഉദ്ഘാടനം നടത്തി. പദ്ധതികളുടെ ഉദ്ഘാടനം താലൂക്ക് ആശുപത്രിയില്‍ നഗരസഭ ചെയര്‍പേഴ്സണ്‍ ഇന്‍ചാര്‍ജ് ജിഷാഷാജി നിര്‍വ്വഹിച്ചു. ആരോഗ്യ സ്റ്റാന്റിംഗ് കമ്മറ്റി ചെയര്‍പേഴ്്സണ്‍ ബാബു അബ്ദുറഹിമാന്‍ അധ്യക്ഷനായി. സ്റ്റാന്റിംഗ് കമ്മറ്റി ചെയര്‍പേഴ്സണ്‍മാരായ സി. കെ സഹദേവന്‍, എല്‍സി പൗലോസ്, ഡോ. ഷാജി തുടങ്ങിയവര്‍ സംസാരിച്ചു. ജനനി സുരക്ഷ, ജനറല്‍ മെഡിസിന്‍, ജീവതാളം, കുമാരി സുരക്ഷ, വയോ
അമൃതം, ആരോഗ്യമുള്ള ഊര് തുടങ്ങിയ പദ്ധതികളാണ് നഗരസഭ നടപ്പാക്കുന്നത്. ഇതിനായി 16 ലക്ഷം രൂപയാണ് വകയിരുത്തിയിരിക്കുന്നത്.
