വാക്കേറ്റത്തിനിടെ പ്രവാസിയെ കുത്തിപ്പരിക്കേല്‍പ്പിച്ചു; യുവാവിനെതിരെ യുഎഇയില്‍ കോടതി നടപടി തുടങ്ങി
തര്‍ക്കത്തിനിടെ സ്വന്തം രാജ്യക്കാരനെ കുത്തിപ്പരിക്കേല്‍പ്പിച്ച ബംഗ്ലാദേശ് സ്വദേശിക്കെതിരെ കോടതിയില്‍ നിയമനടപടികള്‍ തുടങ്ങി. ദുബൈയില്‍ തൊഴിലാളിയായ ഇയാള്‍ക്കെതിരെ കൊലപാതക ശ്രമത്തിന് കുറ്റം ചുമത്തി.
ദുബൈ പ്രാഥമിക കോടതിയാണ് കേസ് പരിഗണിക്കുന്നത്. 29കാരനായ ബംഗ്ലാദേശ് സ്വദേശി സ്വന്തം രാജ്യക്കാരനായ മറ്റൊരു ആളുമായി തര്‍ക്കത്തിലേര്‍പ്പെട്ടു.
വാക്കേറ്റം രൂക്ഷമായപ്പോള്‍ ഇരുവരും പരസ്പരം അടിച്ചു. ചൂല് കൊണ്ട് തല്ലുകയും ചെയ്തു. തുടര്‍ന്ന് ബംഗ്ലാദേശി യുവാവ് കത്തിയെടുത്ത് പ്രവാസിയെ കുത്തി ഗുരുതരമായി പരിക്കേല്‍പ്പിക്കുകയായിരുന്നു. അല്‍ ഖോര്‍ ഏരിയയില്‍ നടന്ന സംഭവം ഒരു ദൃക്‌സാക്ഷിയാണ് ദുബൈ പൊലീസില്‍ അറിയിച്ചത്.
