കര്‍ഷക സമിതി സത്യാഗ്രഹം 25ന് കേന്ദ്ര സര്‍ക്കാര്‍ ജനാധിപത്യ വിരുദ്ധമായി പാസ്സാക്കിയെടുത്ത കര്‍ഷക വിരുദ്ധ ബില്ലിനെതിരായ രാജ്യവ്യാപക പ്രതിഷേധ ത്തിന്റെ ഭാഗമായി ജില്ലയില്‍ ആറ് കേന്ദ്രങ്ങളില്‍ പ്രതിഷേധ സത്യഗ്രഹം സംഘടിപ്പിക്കാന്‍ സംയുക്ത കര്‍ഷക സമിതി ജില്ലാ കമ്മറ്റി തീരുമാനിച്ചു.25 ന് പകല്‍11 ന് കല്‍പ്പറ്റ , ബത്തേരി, മാനന്തവാടി, വൈത്തിരി. പുല്‍പ്പള്ളി , പനമരം എന്നീ ആറ് കേന്ദ്രങ്ങളില്‍ കേന്ദ്ര ഗവണ്‍മെന്റ് ഓഫീസുകള്‍ക്ക് മുമ്പിലാണ് സത്യഗ്രഹം. പാവപ്പെട്ട കര്‍ഷകരെ കുത്തക കമ്പനികളുടെ കൂലി വേലക്കാരാക്കി മാറ്റുന്ന നിയമങ്ങള്‍ക്കെതിരെ എല്ലാ വിഭാഗം കര്‍ഷകരും രംഗത്തു വരണമെന്നും കര്‍ഷകസമിതി അഭ്യര്‍ഥിച്ചു. ഇത് സൂചന സമരമാണെന്നും വരും ദിവസങ്ങളില്‍ പ്രക്ഷോഭം ശക്തമാക്കുമെന്നും കര്‍ഷക സമിതി ജില്ലാ ജോയിന്റ് സെക്രട്ടറി കെ എം വര്‍ക്കി പറഞ്ഞു.
