കേന്ദ്ര സര്‍ക്കാരിന്റെ തൊഴിലാളി വിരുദ്ധവും ദേശവിരുദ്ധവുമായ നയങ്ങള്‍ തിരുത്തണമെന്ന് ആവശ്യപ്പെട്ടുള്ള ദേശിയ പ്രക്ഷോഭത്തിന്റെ ഭാഗമായി മാനന്തവാടി പോസ്റ്റോഫിസിന് മുമ്പില്‍ ഐക്യട്രേഡ് യൂണിയന്‍ സമരം സംഘടിപ്പിച്ചു. രാജ്യം കടുത്ത സാമ്പത്തിക പ്രതിസന്ധിയന്‍ പെടുമ്പോള്‍ തീവ്രസ്വകാര്യവല്‍ക്കരണ നടപടി സ്വീകരിക്കുന്നത് തൊഴിലാളി വിരുദ്ധമാണെന്ന് സമരം ഉദ്ഘാടനം ചെയ്തുകൊണ്ട് ഐ.എന്‍.ടി.യു.സി. ജില്ലാ ജനറല്‍ സെക്രട്ടറി ടി.എ.റെജി പറഞ്ഞു. എസ്. ടി. യു. പ്രസിഡണ്ട് സി.കുഞ്ഞബ്ദുള്ള അദ്ധ്യക്ഷത വഹിച്ചു.എം.റെജിഷ്, എം.പി.ശശികുമാര്‍, സി.പി.മുഹമ്മദാലി, പി.വി. നിഖില്‍, ജോയി കടവന്‍, ബഷിര്‍ കെല്ലുര്‍ തുടങ്ങിയവര്‍ സംസാരിച്ചു. എടവകയില്‍ എ.ഐ.ടി.യു.സി ജില്ലാ കൗണ്‍സില്‍ അംഗം വി.വി.ആന്റണി ഉദ്ഘാടനം ചെയ്തു. തോട്ടത്തില്‍ വിനോദ് അദ്ധ്യക്ഷത വഹിച്ചു.
