ജീവനക്കാരെ ദ്രോഹിക്കുന്ന തരത്തില്‍ ശമ്പളവും മറ്റാനുകൂല്യങ്ങളും പിടിച്ചെടുക്കുന്ന സര്‍ക്കാര്‍ തീരുമാനത്തിനെതിരെ കേരള എന്‍.ജി.ഒ .മാനന്തവാടി ബ്രാഞ്ച് കമ്മറ്റിയുടെ നേത്യത്ത്വത്തില്‍ താലൂക്ക് ഓഫീസ് ,സിവില്‍ സ്‌റ്റേഷന്‍ എന്നിവിടങ്ങളില്‍ പ്രതിഷേധ പരിപാടി നടത്തി.
സര്‍ക്കാരിന്റെ അഴിമതിയും ധൂര്‍ത്തും പിന്‍വാതില്‍ നിയമനങ്ങളും അരങ്ങ് തകര്‍ക്കുമ്പോള്‍ പാവപ്പെട്ട ജീവനക്കാരന്റെ നിലവിലുള്ള ശമ്പളവും മറ്റാനുകൂല്യങ്ങളും തടയുന്ന തീരുമാനമുണ്ടാകുന്നത്.നാലു ഗഡു ക്ഷാമബത്ത യും ,ശമ്പള പരിഷ്‌ക്കരണവും നടപ്പിലാക്കാതിരിക്കുമ്പോഴാണ് നിലവിലുള്ള ശമ്പളം പോലും പിടിച്ചെടുക്കുന്നത്. സര്‍ക്കാരിന്റെ തീരുമാനം മാറ്റിയില്ലെങ്കില്‍ പണിമുടക്ക് ഉള്‍പ്പടെയുള്ള സമര മാര്‍ഗ്ഗങ്ങളുമായി ജീവനക്കാര്‍ മുന്നോട്ടു പോകുമെന്നും നേതാക്കള്‍ പറഞ്ഞു.പ്രതിഷേധ പരിപാടിക്ക് ബ്രാഞ്ച് പ്രസിഡണ്ട് എന്‍.വി. അഗസ്റ്റ്യന്‍ അധ്യക്ഷത വഹിച്ചു. ജില്ലാ ട്രഷറര്‍ കെ.ടി.ഷാജി ഉദ്ഘാടനം ചെയ്തു .സെറ്റോ കോഴിക്കോട് ജില്ല ചെയര്‍മാന്‍ എന്‍.പി. ബാലകൃഷ്ണന്‍ മുഖ്യ പ്രഭാഷണം നടത്തി. ജില്ലാ ജോയിന്റ് സെക്രട്ടറിമാരായ സി.ജി.ഷിബു. ,എം.ജി. അനില്‍കുമാര്‍, സംസ്ഥന കമ്മറ്റിയംഗം വി.മനോജ് എം.എ. ബൈജു ,അഷ്‌റഫ് ഖാന്‍ ,സിനീഷ് ജോസഫ് തുടങ്ങിയവര്‍ സംസാരിച്ചു..അബ്ദുള്‍ ഗഫൂര്‍ ,വി.മുരളി ,ശരത്ത് ശശിധരന്‍ ,ഷിബു ജസ്റ്റിന്‍ ,തുടങ്ങിയവര്‍ പ്രതിഷേധത്തിന് നേത്യത്വം നല്‍കി.
