മാനന്തവാടി നഗരസഭയിലെ മുപ്പത്തിയാറാം ഡിവിഷനില്‍ പഞ്ചാരക്കൊല്ലിയില്‍ നാല്‍പ്പതോളം കുടുംബങ്ങള്‍ക്ക് കുടിവെള്ളം എത്തിക്കുന്നതിന് എസ് ഡി പി ഐ നിര്‍മ്മിച്ചു നല്‍കുന്ന കുടിവെള്ള പദ്ധതിയുടെ പ്രവൃത്തി ഉദ്ഘാടനം പാര്‍ട്ടി് ജില്ലാ പ്രസിഡന്റ് എന്‍ ഹംസ നിര്‍വഹിച്ചു.രൂക്ഷമായ കുടിവെള്ള ക്ഷാമം നേരിടുന്ന പ്രദേശത്ത് പുളിക്കത്തൊടി അലിയാര്‍ ഹാജി വിട്ട് നല്‍കിയ സ്ഥലത്താണ് കിണര്‍ നിര്‍മിക്കുക. തുടര്‍ന്ന് പൈപ്പ് വഴി വീടുകളില്‍ നേരിട്ട് കുടിവെള്ളം എത്തിക്കും. ജില്ലാ ജനറല്‍ സെക്രട്ടറി ടി നാസര്‍, അഡ്വ:കെ.എ അയൂബ്,സെക്രട്ടറി ഉസ്മാന്‍ കുണ്ടാല,ജില്ലാ കമ്മിറ്റി അംഗങ്ങളായ ഫസലു റഹ്മാന്‍, ഷമീര്‍ പിലാക്കാവ്, മണ്ഡലം സെക്രട്ടറി നൗഫല്‍ പഞ്ചാരക്കൊല്ലി, ഫൈസല്‍ തുടങ്ങിയവര്‍ സംസാരിച്ചു.
