പുല്‍പ്പള്ളി സാമൂഹ്യാരോഗ്യകേന്ദ്രത്തിന്റെ പുതിയ ബ്ലോക്ക് കോവിഡ് കെയര്‍ സെന്ററാക്കി. എണ്‍പതോളം രോഗികള്‍ക്കാണ് ഇവിടെ ചികിത്സാസൗകര്യങ്ങള്‍ ഒരുക്കിയിട്ടുള്ളത്. പനമരം ബ്ലോക്ക് പഞ്ചായത്തിന്റെയും, പുല്‍പ്പള്ളി സാമൂഹ്യാരോഗ്യകേന്ദ്രത്തിന്റെയും, ഗ്രാമപഞ്ചായത്തിന്റെയും സഹകരണത്തോടെയാണ് കോവിഡ് കെയര്‍ സെന്റര്‍ നടപ്പിലാക്കുന്നത്.പനമരം ബ്ലോക്ക് പഞ്ചായത്ത് പ്രസിഡന്റ് ടി എസ് ദിലീപ്കുമാര്‍, ഗ്രാമപഞ്ചായത്ത് പ്രസിഡന്റ് ബിന്ദുപ്രകാശ്, മെഡിക്കല്‍ ഓഫീസര്‍ ഡോ. പ്രേം സുജലത എന്നിവര്‍ നേതൃത്വം നല്‍കി.
