മുഖ്യമന്ത്രിയുടെ രാജി ആവശ്യപ്പെട്ട് ബി ജെ പി സംസ്ഥാന അദ്ധ്യക്ഷന്‍ കെ. സുരേന്ദ്രന്‍ നടത്തിയ ഉപവാസ സമരത്തിന് ഐക്യദാര്‍ഢ്യം പ്രഖ്യാപിച്ച് യുവമോര്‍ച്ച പ്രവര്‍ത്തകര്‍ മാനന്തവാടിയിലും ഉപവാസ സമരം സംഘടിപ്പിച്ചു. ബിജെപി മാനന്തവാടി മണ്ഡലം പ്രസിഡണ്ട് കണ്ണന്‍ കണിയാരം ഉപവാസ സമരം ഉദ്ഘാടനം ചെയ്തു .യുവമോര്‍ച്ച മണ്ഡലം അദ്ധ്യക്ഷന്‍ സുരേഷ് പെരിഞ്ചോലയില്‍, ജില്ലാ സെക്രട്ടറി ദിലീപ് കണിയാരം ,മണ്ഡലം ജന:സെക്രട്ടറി വൈശാഖ് തലപ്പുഴ ,മണ്ഡലം സെക്രട്ടറി രാമചന്ദ്രന്‍ മക്കിമല എന്നിവര്‍ ഉപവാസ സമരത്തിന് നേതൃത്വം നല്‍കി.വൈകീട്ട് സമരത്തിന്റെ സമാപനത്തില്‍ ബിജെപി മണ്ഡലം ഉപാദ്ധ്യക്ഷന്‍ കെ ജയേന്ദ്രന്‍ യുവമോര്‍ച്ചാ പ്രവര്‍ത്തകര്‍ക്ക് നാരങ്ങാ നീരു നല്‍കി ഉപവാസം അവസാനിപ്പിച്ചു.
