നൂല്‍പ്പുഴ പഞ്ചായത്തില്‍ ട്രൈബല്‍ വകുപ്പ് അനുവദിച്ച വീടുകള്‍ വാസയോഗ്യമല്ലെന്ന കാരണത്താല്‍ നിര്‍മാണം പൂര്‍ത്തീകരിച്ചിട്ടും തുക നല്‍കാതിരിക്കുകയും, വീടുകളില്‍ അവരോട് താമസിക്കാന്‍ ആവശ്യപ്പെടുകയും ചെയ്ത നടപടി സിപിഎമ്മും, ട്രൈബ്രല്‍ വകുപ്പും തമ്മിലുള്ള ഒത്തുകളിയാണ് വ്യക്തമാകുന്നതെന്ന് യു.ഡി.എഫ് നൂല്‍പ്പുഴ പഞ്ചായത്ത് കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ ആരോപിച്ചു .ഇത്തരം നടപടികളിലൂടെ സി പി എമ്മിന്റെ ആദിവാസികളോടുള്ള മനോഭാവമാണ് വ്യക്തമാകുന്നതെന്നും, സിപിഎമ്മുമായി ചേര്‍ന്ന് ട്രൈബല്‍ വകുപ്പ് ഗോത്രവര്‍ഗ്ഗ വിരുദ്ധ നടപടിയുമായി മുന്നോട്ടുപോയാല്‍ ശക്തമായ സമരപരിപാടികള്‍ ആവിഷ്‌കരിക്കുമെന്നും യുഡിഎഫ് നേതാക്കള്‍ പറഞ്ഞു
