ബാംഗ്ലൂര്‍ അടക്കം കര്‍ണാടകയിലെ ചിലയിടങ്ങള്‍ ലോക്ക് ഡൗണ്‍ ആയതോടെ രണ്ടു ദിവസങ്ങളില്‍ സംസ്ഥാനത്തേക്ക് മുത്തങ്ങ വഴി എത്തിയത് നാലായിരത്തോളം പേര്‍. ദിവസേന 600 പേര്‍ക്ക് മാത്രം പ്രവേശന സൗകര്യം ഉള്ളപ്പോഴാണ് ആരോഗ്യ പ്രവര്‍ത്തകര്‍ അടക്കമുള്ള വിവിധ വകുപ്പുകളുടെ കഠിന പരിശ്രമത്താല്‍ നാലായിരത്തോളം പേരെ അതിര്‍ത്തി കടത്തിവിട്ടത് . ഇതര സംസ്ഥാനങ്ങളില്‍ നിന്നും സംസ്ഥാനത്തേക്ക് പ്രവേശനം അനുവദിച്ചതിന് ശേഷം ഏറ്റവും അധികം ആളുകള്‍ അതിര്‍ത്തി കടന്നെത്തിയത് കഴിഞ്ഞ ദിവസമാണ്. 2162 പേരാണ് ഇതര സംസ്ഥാനങ്ങളില്‍ നിന്നും കഴിഞ്ഞദിവസം മുത്തങ്ങ വഴി സംസ്ഥാനത്തേക്ക് പ്രവേശിച്ചത്. .
