പ്രായപൂര്‍ത്തിയാകാത്ത ആദിവാസി പെണ്‍കുട്ടിയെ ലൈംഗികമായി പീഡിപ്പിച്ച് ബലാല്‍സംഗം ചെയ്ത് ഗര്‍ഭിണിയാക്കിയ കേസ്സിലെ പ്രതിക്ക് ജീവപര്യന്തം തടവും ഒരു ലക്ഷത്തി അന്‍പത്തി അയ്യായിരം രൂപ പിഴയും ശിക്ഷ. വൈത്തിരി അച്ചൂരാനം സ്വദേശി ബാലനെ (33) യാണ് കല്‍പ്പറ്റ പോക്‌സോ കോടതി ജഡ്ജി കെ.രാമകൃഷ്ണന്‍ കുറ്റക്കാരനെന്ന് കണ്ടെത്തി ശിക്ഷ വിധിച്ചത്.2015 ലാണ് കേസിനാസ്പദമായ സംഭവം നടന്നത്. ബാലന്റെ ബന്ധുവാണ് പീഡനത്തിനിരയായ പെണ്‍കുട്ടി . പ്രസവാനന്തരമാണ് പീഡനവിവരം പുറത്ത് വന്നത്.ശാസ്ത്രീയ തെളിവിന്റെ അടിസ്ഥാനത്തില്‍ ജനിച്ചകുട്ടിയുടെ പിതാവ് പ്രതിയാണെന്ന് തെളിയിക്കപ്പെട്ടു. പ്രോസിക്യൂഷന് വേണ്ടി സ്‌പെഷ്യല്‍ പബ്‌ളിക് പ്രോസിക്യൂട്ടര്‍ എം.ജി.സിന്ധു ഹാജരായി.
