സിഎംപി ജില്ലാ കമ്മിറ്റി നേതൃത്വത്തില്‍ കല്‍പ്പറ്റയില്‍ അനുഭാവ സത്യാഗ്രഹസമരം സംഘടിപ്പിച്ചു. വിവിധ ആവശ്യങ്ങള്‍ ഉന്നയിച്ച് സെക്രട്ടറിയേറ്റിന് മുന്‍പില്‍ സി എം പി സംസ്ഥാന സെക്രട്ടറി സി.പി ജോണ്‍ നടത്തുന്ന ഉപവാസ സമരത്തിന് ഐക്യദാര്‍ഢ്യം പ്രഖ്യാപിച്ചാണ് ജില്ലാകമ്മിറ്റി സത്യാഗ്രഹ സമരം സംഘടിപ്പിച്ചത്. കോവിഡ് ബാധിച്ച് മരിച്ച മുഴുവന്‍ പേരുടെയും കുടുംബങ്ങള്‍ക്ക് 10 ലക്ഷം രൂപ ധനസഹായം ലഭ്യമാക്കുക, ഗള്‍ഫില്‍ കുടുങ്ങിക്കിടക്കുന്ന പ്രവാസികളെ എത്രയും വേഗം നാട്ടില്‍ എത്തിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം. യൂത്ത് ലീഗ് സംസ്ഥാന വൈസ് പ്രസിഡണ്ട് പി. ഇസ്മയില്‍ സമരം ഉദ്ഘാടനം ചെയ്തു. സിഎംപി ജില്ലാ സെക്രട്ടറി പി.കെ ഭൂപേഷ് അധ്യക്ഷനായിരുന്നു. വി.വി ബെന്നി, എം. പി ഗംഗാധരന്‍, സി.ജി ബേബി തുടങ്ങിയവര്‍ സംസാരിച്ചു.
