MananthavadyNewsround ഇ-പാഠശാല ആരംഭിച്ചു By admin On Jun 12, 2020 0 Share കുപ്പാടിത്തറ: നായനാര്‍ സ്മാരക വായനശാലയില്‍ ആരംഭിച്ച ഇ-പാഠശാലയില്‍ വിക്‌റ്റേഴ്‌സ് ചാനല്‍ കാണാന്‍ സൗകര്യമൊരുക്കി.കുപ്പാടിത്തറ ശാന്തി പെയിന്‍ ആന്റ് പാലിയേറ്റീവിന്റെ നേതൃത്വത്തിലാണ് കുട്ടികള്‍ക്ക് ഓണ്‍ ലൈന്‍ ക്ലാസ് വീക്ഷിക്കാനുള്ള അവസരമൊരുക്കിയത്. കുപ്പാടിത്തറ എസ്എഎല്‍പി സ്‌കൂളിന്റെ പരിസരത്തുള്ള വരട്ട്യാല്‍കുന്ന്,കക്കണക്കുന്ന് കോളനികളിലെ 25 ഓളം കുട്ടികളാണ് ഗുണഭോക്താക്കള്‍.ശാന്തി പെയിന്‍ ആന്റ് പാലിയേറ്റീവ് പ്രസിഡണ്ട് സി.കെ ഉസ്മാന്‍ ഹാജി പ്രൊജക്റ്റര്‍ സ്വിച്ച് ഓണ്‍ കര്‍മം നിര്‍വഹിച്ചു.കുട്ടികള്‍ക്കാവശ്യമായ പഠനോപകരണങ്ങളും മാസ്‌കും സാനിറ്റൈസറും വിതരണം ചെയ്തു.വാര്‍ഡ് മെമ്പര്‍മാരായ എം.കെ.ബാബു,ഹാരിസ് സി.ഇ എന്നിവര്‍ മാസ്‌ക് വിതരണവും സാനിറ്റൈസര്‍ വിതരണവും ഉദ്ഘാടനം ചെയ്തു.സതീഷ് കുമാര്‍ എം.ജി,റഫീഖ് തൂളിയന്‍,പി.ടി.എ പ്രസിഡണ്ട് സുമേഷ് എം.എസ്, റാണി ജോണ്‍,പി.കെ രജനി,പ്രധാനാധ്യാപകന്‍ മെജോഷ് പി.ജെ എന്നിവര്‍ സംസാരിച്ചു. 0 Share FacebookTwitterGoogle+ReddItWhatsAppPinterestEmail
